12 декабрь – РФ Конституциясе көне

Хөрмәтле райондашлар! Россия Федерациясе Конституциясе көне уңаеннан иң җылы котлауларны кабул итеп алыгыз.

РФ Конституциясе Россия гражданнарына сәяси сайлауга, сүз ирегенә, төрле милек формаларына, дин тотуга хокук бирде. Һәр райондашыбызның, россияленең иҗади хезмәте конституцион нормаларны һәм принципларны тагын да тулырак тормышка ашырырга, гражданнарны лаеклы тормыш белән тәэмин итәрдәй шартлар тудырырга мөмкинлек бирә.

Бәйрәм белән котлап, нык сәламәтлек, гаилә иминлеге, бәхет, алдагы көнгә ышаныч белән каравыгызны, шәһәребез, республикабыз, дәүләтебезне тагын да ныгытуга юнәлдерелгән гамәлләрегездә уңышлар телибез.

Район башлыгы Валерий МАКАРОВ.

Район башкарма комитеты җитәкчесе Андрей АВДЕЕВ.