2020 елда Владимир Путинның кереме күпме булган һәм ничә машинасы бар?

Россия Президенты Владимир Путин 2020 елда кереме 9,994 миллион сум булуы турында декларация тапшырган. Бу былтыргыдан 270 мең сумга күбрәк. Бу турыда РИА Новости хәбәр итте.

Ил башлыгының керемнәре, чыгымнары, милегенә кагылышлы белешмә Кремль сайтында урнаштырылган.

Моңа кадәрге кебек үк, Путинның 77 квадрат метр мәйданлы фатиры һәм гаражы, 18 квадрат метрлы гараж урыны булган 153,7 квадрат метрлы тагын бер фатиры бар. Декларациядә ике «ГАЗ М21» машинасы, «Нива» машинасы һәм «Скиф» прицебы күрсәтелгән, диелә бу хәбәрдә.

2019 елда Путин 9,726 миллион сум, 2018 елда 8,648 миллион сум керем алган булган. 

Чыганак