78 яшьлек пенсионер Сәгыйть абыйның гәүдәсе табылган

Исәнбайда гомер кичергән 78 яшьлек пенсионер Сәгыйть абый БӘДРЕТДИНОВның 22 январьда өеннән чыгып китүе һәм югалуы турында хәбәр иткән идек.

Пенсионерның Кама елгасы буйлап китүен күрүчеләр булган. Әмма моңа кадәр эзләп карасалар да, бернинди мәгълүмат та булмады. Бүген иртән Сәгыйть абыйның улы Илдус бер төркем авылдашлары белән боз өстендә янә эзләү эшләре башкаралар һәм пенсионерның үле гәүдәсенә тап булалар. Хәзерге вакытта полиция хезмәткәрләре биредә тикшерү эше алып бара.