Әгерҗе делегациясе - Казанда

Бүген  “Казан Экспо“ үзәгендә Авыл хуҗалыгы һәм эшкәртү сәнәгате хезмәтчәннәре көненә багышланган бәйрәм тантанасы уза.

Безнең районнан бәйрәм тантанасында район башлыгы Азат Вәлиев җитәкчелегендәге делегация катнаша. Менә алар: район авыл хуҗалыгы идарәсе җитәкчесе Дилүс Гатауллин, “Нәүрүз“ ширкәте директоры Игорь Васильев, ширкәтнең баш агрономы Алмаз Шәйхуллин, Әгерҗе ит комбинатының “Тугызбуй“ агрофирмасы идарәчесе Фәнис Йосыпов, “Агрохимсервис“ җәмгыятенең баш инженеры Илнур Зәйнуллин, “Сарсак-Омга“ хуҗалыгының баш агрономы Александр Васильев, Салагыш фермеры Марат Мөхәммәдиев, быел кырлардан 3381 тонна бөртеклеләр сутырып район күләмендә рекорд куйган 18 яшьлек комбайнчы Ислам Хуҗин.