Әгерҗе районында яңа җитәкче билгеләнде

Россия Федерациясе Генераль прокуроры боерыгы нигезендә Әгерҗе районы прокуроры вазифасына Александр НЕПОМНЯЩИЙ билгеләнде. 

Дүшәмбе көнне район активына һәм прокуратура коллективына яңа прокурорны Татарстан Республикасы прокуроры Илдус Нәфыйков тәкъдим итте. 

Белешмә: 

Александр Сергеевич Непомнящий 1988 елда Ульяновск шәһәрендә туган. 
2010 елда юриспруденция белгечлеге буенча Россия Федерациясе Эчке эшләр министрлыгының Казан юридик институтын тәмамлаган. 
Прокуратура органнарындагы хезмәте 2017 елда башлана. 
2019-2022 елларда Югары Ослан районы прокуроры урынбасары булып эшли.