Әгерҗедә инвалид бала җәрәхәт алган

Әгерҗе районы прокуратурасы Әгерҗе район үзәк хастаханәсе бинасына керү уңаендагы пандустан егылу нәтиҗәсендә инвалид баланың җәрәхәт алу факты буенча тикшерү уздырган. 

Агымдагы елның апрелендә инвалид бала күтәргән хатын хастаханәдән чыкканда чистартылмаган бозлы пандуста таеп китә һәм егыла. Нәтиҗәдә, бала җәрәхәтләр ала. 

Район прокуратурасы рухи яктан китерелгән зыян өчен инвалид бала файдасына хастаханәдән компенсация алу турындагы дәгъва гаризасы белән судка мөрәҗәгать итә. 

Суд ведомствоның таләбен канәгатьләндерә, әмма китерелгән зыян ирекле рәвештә каплану сәбәпле (җавап бирүче зыян күрүчегә 50 мең сум акча түләгән), эш туктатыла. 

Суд карары әлегә үз көченә кермәгән. 

(Әгерҗе районы прокуратурасы материаллары буенча).