Әгерҗедәге К.Маркс урамын төзекләндерү эшләре башланды

Хәзерге вакытта урамнарын яктырту баганаларын алыштыру эшләре алып барыла. 

Тулаем алганда, Татарстан Республикасы җитәкчелеге тарафыннан әлеге урамны реконструкцияләү һәм капиталь төзекләндерүгә 222 миллион сум акча бүлеп бирелгән. Биредә юл өслеген алыштыру,  Әгерҗе елгасы аша салынган күперне ремонтлау, юл билгеләре урнаштыру, тротуарлар һәм җәяүлеләр чикләүләрен, тукталыш павильоннарын, парковкаларын тәртипкә китерү, БАМ күперендә саклагыч экраннар урнаштыру эшләре башкарылачак.