Әгерҗелеләр - Казан сәхнәсендә

Башкалабызның А.С.Пушкин исемендәге мәдәни үзәгендә язучы Александр Пушкинның 225 еллыгы уңаеннан “Минем дустым, ватаныма гүзәл омтылышлар багышлыйбыз!” фестивале узды.

Анда Апас, Яңа Чишмә, Чистай районы үзешчәннәре белән бергә Әгерҗе районы артистлары да чыгыш ясадылар.

Район Мәдәният сараеның “Россиянка”,  сәнгать мәктәбенең “Душа” ансамбльләре, яшь җырчылар Анастасия Савинова, Рината Гозәерова, Екатерина Пономарева, “Мечта” халык театры сүз осталарының чыгышларын тамашачылар җылы кабул иттеләр.

Бәйрәмне район Мәдәният сарае сәнгать җитәкчесе Елена Скворцова алып барды.