Бүген – Энергетиклар көне

Хөрмәтле энергетика тармагы хезмәтчәннәре һәм ветераннары! Һөнәри бәйрәмегез - Энергетиклар көне уңаеннан кайнар котлыйбыз.

Яктылык һәм җылылык бүгенге тормышыбызның дәрәҗәсен билгеләүдә төп урынны алып тора. Сезнең һөнәри осталыгыгыз, югары нәтиҗәләргә ирешергә омтылуыгыз район халкына елның теләсә кайсы вакытында үзен уңайлы хис итәргә, сәнәгать һәм социаль мәсьәләләрне уңышлы чишәргә мөмкинлек бирә. Намуслы хезмәтегез, эшегезгә зур җаваплылык белән каравыгыз өчен олы рәхмәтебезне җиткерәбез. Тармак ветераннары аерым хөрмәткә лаек, чөнки энергетиканың нигезенә аларның хезмәте һәм бай тәҗрибәсе салынган.

Һөнәри бәйрәмегез белән котлап, бәхет, нык сәламәтлек, эшегездә иминлек телибез.

Район башлыгы Валерий МАКАРОВ.

Район башкарма комитеты җитәкчесе Андрей АВДЕЕВ.