Девятерня Кыш бабае райондашларны Яңа ел белән котлый ВИДЕО

Девятерня Мәдәният йорты мөдире – Кыш бабай Фәнис Арсланов туган авылында Яңа ел бәйрәмнәрендә Кыш бабай ролен башкара. 

–    Сабыйларны бик яратам. Аларның “Кыш бабай, син иң матуры, синең белән фотога төшәргә буламы?” дип кочып алулары, сакалымны тотып караулары, шигырь-җырлар башкарулары – бик күңелле мизгелләр, – ди Фәнис әфәнде.

Мәдәният йорты мөдире буларак, ел саен могҗизалы бәйрәмгә ныклы әзерлек алып баралар. Киләсе ел символы Елан сынын гына да кардан 30 метр озынлыкта ясаганнар! 

–    80 литр буяу гына китте, – ди Фәнис абый. 

–    Барыгызны да киләсе Яңа ел белән тәбрик итәм. Сәламәтлек, ил-көннәребезгә тынычлык телим, – ди Кыш бабай.