“Ел тәрбиячесе“ район бәйгесе җиңүчеләре билгеле

“Ел тәрбиячесе - 23“ Бөтенроссия бәйгесенең муниципаль этабы җиңүчеләре билгеле булды. Ул ике номинациядә үткәрелде: “Ел тәрбиячесе“ һәм “Туган телдә тәрбия һәм белем бирү төркеме тәрбиячесе“.

Бәйгедә 9 тәрбияче үз һөнәри осталыкларын күрсәтте. “Ел тәрбиячесе - 23“ муниципаль этабы җиңүчесе-8нче мәктәпкәчә белем бирү учреждениесе тәрбиячесе Ирина Мурадова. Призерлар – 9нчы мәктәпкәчә белем бирү учреждениесе тәрбиячесе Эльвира Гәрәева һәм 4нче мәктәпкәчә белем бирү учреждениесеннән Диана Вәлиева. 

Бәйгенең “Туган телдә тәрбия һәм белем бирү төркеме тәрбиячесе“ номинациясендә Тирсәнең “Миләүшә“ мәктәпкәчә белем учреждениесе тәрбиячесе Гөлнара Җәлилова җиңүче булды. 1нче санлы “Алтын ачкыч“ мәктәпкәчә белем учреждениесе тәрбиячесе Лилия Нурмиева призер.

Җиңүчеләр Ирина Мурадова һәм Гөлнара Җәлилова тиздән Әгерҗедә үтәчәк зона этабында район данын яклаячак.