“Гаилә – җылы учагыбыз“ бәйгесенә фотолар көтәбез

8 июль Россиядә Гаилә, мәхәббәт һәм тугрылык көне буларак билгеләп үтелә. Шул уңайдан "Әгерҗе хәбәрләре" сайтында "ГАИЛӘ - ҖЫЛЫ УЧАГЫБЫЗ" дигән фотобәйге игълан итәбез.

Гаиләгез белән табигать кочагында, сәяхәттә яки күмәкләшеп берәр эш башкарганда төшкән сыйфатлы фотогызны редакциянең agr-vesti@mail.ru электрон почтасына йә Вконтакте һәм Одноклассники социаль челтәрләре аша юллагыз. Редакциягә (К.Маркс урамы, 8) кертеп чыксагыз да була.

Гаиләдә ничә кеше яшәвегез турында, ниләр белән шөгыльләнергә, кайларда ял итәргә яратуыгыз турында мәгълүмат та языгыз. Фотога кайда төшкәнегезне, исем-фамилиягезне күрсәтергә онытмагыз.

Фотолар 29 июньгә кадәр кабул ителә. 30 июньнән сайтта тавыш бирү башлана. 6 июльдә иң күп тавыш җыючы ачыклана һәм җиңүче "Bonsai" кафесына сертификат белән бүләкләнә.