“Гаилә ипотекасы” буенча яңа ярдәм чаралары барлыкка киләчәк

Хөкүмәт россиялеләргә “Гаилә ипотекасы” программасы буенча берничә  ярдәм чарасы әзерли. Бу хакта Россия Президенты Владимир Путинга РФ Министрлар кабинеты белән киңәшмә вакытында вице-премьер Марат Хөснуллин хәбәр итте.

Аның сүзләре буенча, бу карар балалы гаиләләргә кагылачак һәм аларга төбәкләрнең кечкенә шәһәрләрендә йорт төзү мөмкинлеге бирәчәк.

“ Без Республика Финанс Министрлыгы белән бик актив эшлибез. Кызыклы тәкъдимнәребез дә бар, – диде вице-премьер Марат Хөснуллин. 

Моннан тыш, Хөкүмәт Рәисе урынбасары программаны икенче торак базарына кадәр киңәйтү һәм ипотека алырга теләүчеләр өчен элек гамәлдә булган чикләүләрне бетерү мөмкинлеге булуы турында да сөйләде.

Тулырак «Татар-информ» МА сайтында укырга мөмкин.