Әгерҗе укучылары поездда ташлама белән сәфәр кыла ала

20 марттан 26сына кадәр дәвам итәчәк язгы каникул көннәрендә 10-17 яшьлек мәктәп укучылары ерак арага йөри торган поездның купе вагонында 50 процент ташлама белән сәфәр кыла алачак.

Ташламалар ил эчендә хәрәкәт итә торган поездларга (алар 23 марттан 2 апрельгә кадәр йөри) билет алганда гамәлдә булачак. Ташламалы билетларны инде хәзер үк ерак арага йөри торган поездлар кассасында яки Горький тимер юллары сайтында (gzd.rzd.ru) алырга мөмкин. Моның өчен укучының паспорты йә туу турындагы таныклыгы кирәк.