Әгерҗе ЗАГС бүлеге хәбәрләре
ЗАГС бүлеге хәбәр итүенчә, июль аенда Әгерҗе районында дөньяга килүчеләр саны үлүчеләргә караганда бермә-бер ким.
Саннарга килгәндә, 21 сабый туган. Шуларның 12се – малай, 9ы – кыз. 40 кеше вафат булган: 23 ир-ат, 17 хатын-кыз.
15 яшь пар гаилә корган, 12 пар аерылышкан.
7 ай эчендә 140 бала туган: 70 малай, шуның кадәр үк кыз. 307 кеше вафат булган: 145 ир-ат, 162 хатын-кыз. Бер гаиләдә игезәкләр туган. 39 гаиләдә беренче бала, 59ында – икенче, 26сында – өченче, 16сында – дүртенче һәм аннан күбрәк бала дөньяга килгән.
Популяр исемнәргә килгәндә, әгерҗелеләр Пелагея, Самир, Аяз, Тимофей, Глеб, Әмин, Раим, Аврора, Виктория исемнәрен ешрак кушканнар.
Саннары буенча үзенчәлекле булып исәпләнгән 18 августта (18.08.2018) 9 пар никахын тантаналы рәвештә рәсмиләштерәчәк.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев