Әгерҗедә Ел укытучысын сайладылар

Бүген 2нче мәктәптә "Ел укытучысы" район бәйгесенең финал туры узды.

Бәйгедә катнашырга 16 укытучы теләк белдергән иде. Кичә 11 укытучы ачык дәресләр күрсәтте. Финалга 6 укытучы чыкты. Менә алар - Владимир Екимов (1нче гимназия), Ирина Камалова (4нче мәктәп), Наталья Мөфтәхетдинова (2нче мәктәп), Айдар Хөснетдинов (Салагыш), Виталий Семенов (Бима), Кристина Коробейникова (3нче мәктәп).

Үз эшчәнлекләре хакында презентация тәкъдим иткәннән соң укытучылар мастер-класс күрсәттеләр. Жюри җиңүчене билгеләде. Ел укытучысы булып Ирина Камалова табылды. Призерлар - Владимир Екимов һәм Наталья Мөфтәхетдинова. Ирина Камалова белән Владимир Екимов район данын зона турында яклаячаклар.