Әгерҗедә хатын-кыз инвалидны үтерәм дип янаган
Аны хөкем иттеләр
Татарстан Республикасы Әгерҗе районы прокуратурасы 38 яшьлек җирле хатын-кызга карата җинаять эше буенча дәүләт гаепләвен хуплады.
Суд аны РФ Җинаять кодексының 119 маддәсенең 1 өлеше тарафыннан каралган җинаять кылуда гаепле дип таныды.
"Әгерҗе хәбәрләре"нә мәгълүм булганча, 30 июнь кичендә, күп фатирлы йортның баскыч мәйданчыгында исерек хәлдә булган хатын-кыз кухня пычагын 1 төркем инвалид булган күршесенә терәп, үтерәм дип янаган.
Хөкем ителүче үз гаебен таныган. Суд аңа 250 сәгатькә мәҗбүри эшләр рәвешендә җәза билгеләгән.
Хөкем карары законлы көченә кермәгән, дип хәбәр итә Әгерҗе районы прокуратурасы.
Фото: https://pixabay.com/ru/photos
Следите за самым важным и интересным в Telegram-каналеТатмедиа
Районыбызга кагылышлы яңалыклар белән безнең Telegram-каналдан танышыгыз
Нет комментариев