Әгерҗедә ярминкәне кайда уздырырга?

Авыл хуҗалыгы ярминкәләренең район Мәдәният сарае каршындагы мәйданда узуына халык күнегеп беткән иде инде.

Әмма ярминкә вакытында К.Маркс урамында берничә сәгатькә юл ябылып тору сәбәпле, күп кенә шоферлардан канәгатьсезлек сүзләре ишетергә туры килә. Бу, чыннан да, уңайсызлыклар китереп чыгара. Шуңа күрә ярминкәне оештыручылар шәһәр халкы арасында "Ә СЕЗ ЯРМИНКӘНЕҢ КАЙДА УЗУЫН ТЕЛӘР ИДЕГЕЗ?" дигән темага сораштыру уздырырга булдылар. Җавабыгызны 22962 телефоны буенча редакциягә шалтыратып та җиткерә аласыз. Шуны онытмагыз: тәкъдим итә торган урын сәүдәгәрләр өчен дә уңайлы, шул ук вакытта һәркем бара алырдай да булырга тиеш. Сездән тәкъдимнәр көтәбез, хөрмәтле газета укучыларыбыз.