Гүзәл Хөснетдинова бишенче баласын тапкан

Интернетта «ут хатын» дип танылган популяр блогер Гүзәл Хөснетдинова бишенче тапкыр әни булган. «Подписчиклары»на ул: «Котлаулар кабул итәбез! 7 декабрь көнне Раиф дөньяга килде! Сабыйның авырлыгы – 4120 кг, буе – 56 см», – дип хәбәр иткән.

Гүзәл Хөснетдинова ире Рушан белән 3 малай һәм 1 кыз үстерә инде. Сеңлесе Лилиянең вакытсыз вафатыннан соң ятим калган һәм бүгенге көндә әбисе тәрбиясендә яшәүче кызы Ләтифә дә Гүзәлнең гаиләсендә еш кунак була. Хәзер блогерның гаиләсе тагын да ишәйде.

«Ут хатын»ны бик күп блогерлар һәм сәхифәсен карап баручылар тәбрикли. Санаулы сәгатьләр эчендә әлеге пост янында меңнән артык комментарий калдырганнар. Барысы да күпбалалы әни белән яңа туган сабыйга сәламәтлек тели.

Фото:  социаль челтәрләр

Чыганак: Интертат