Июнь аенда Әгерҗе районында 13 сабый дөньяга килгән

ЗАГС бүлегеннән алынган мәгълүматларга караганда июнь аенда Әгерҗе районында 13 сабый – 8 кыз, 5 малай дөньяга килгән. 35 кеше вафат булган.

20 пар никахын рәсмиләштергән, 7 пар аерылышкан.

Чагыштыру өчен: узган елның шул чорында 15 бала туган, 39 райондашыбыз мәңгелеккә күчкән. 17 пар язылышкан, 9 гаилә таркалган. Быелның алты аенда туучылар – 96 (48 малай һәм шуның кадәр үк кыз), вафат булучылар – 229. Гаилә коручылар – 60, аерылышучылар 69 пар.