Иртәгә Әгерҗедә - зур бәйрәм

5 августта Әгерҗедә Шәһәр һәм Тимерьюлчылар көне уңаеннан зур бәйрәм чаралары була.

14 сәгатьтә - Мәдәният сарае каршындагы мәйданда бәйрәмне ачу тантанасы, бүләкләүләр.

15.30 сәгатьтә - Әгерҗе районы сәнгать осталары концерты.

15-17 сәгатьләрдә - Боз сараенда Россия тимер юллары призына хоккей уеннары.

16-18 сәгатьләрдә - Әгерҗе районы башлыгы кубогына футбол матчы.

16 сәгатьтә - "Яшьлек" скверында буяулар фестивале.

19.30-21 сәгатьләрдә - Мәдәният сарае каршындагы мәйданда "Старая крепость" коллективы концерты.

21-23 сәгатьләрдә - бәйрәм дискотекасы.

21.30 сәгатьтә - бәйрәм салюты.

Шәһәр үзәгендә күчмә сәүдә, балалар өчен аттракционнар эшли. Җиңү паркында китаплар һәм музей экспозицияләре күргәзмәләре оештырыла.

Хөрмәтле әгерҗелеләр, райондашлар, шәһәребез кунаклары! Бергәләп күңел ачарга рәхим итегез!