Исәнбайда авыл җирлеге башлыгы сайланды

Бүген Исәнбай авыл җирлеге Советында 51нче утырыш узды. Депутатлар тавыш бирү юлы белән яңа башлык сайладылар.  Әлеге вазифаны авыл җирлеге Советының 1нче бермандатлы сайлау округы депутаты Рамил Рәис улы МӨХӘММӘДИЕВ башкарачак. 

Ул 1987 елда туган. Исәнбай янгын сүндерү аерым постында янгын сүндерүче булып эшләгән.

Моңа кадәр Исәнбай авыл җирлеге белән җитәкчелек иткән Фәнил Сираев лаеклы ялга китү сәбәпле, вәкаләтләре туктатылды. Утырышта катнашкан район башлыгы урынбасары Илфат Ямалиев 14 ел Исәнбай авыл җирлеге башлыгы булып эшләгән Фәнил Фаиз улына олы рәхмәтен белдерде, яшь җитәкчегә уңышлар теләде.