Ижау кызы Рамина Нуриманова Максим Галкинны кош теле пешерергә өйрәткән

Ижау шәһәреннән 3 яшьлек Рамина Нуриманова «Лучше всех» тапшыруында Максим Галкинны татар халык ашы — кош теле пешерергә өйрәткән.

Рамина, кечкенә булуына карамастан, тамашада үзен бик кыю тоткан. Үзе турында сөйләп, әти-әнисе белән таныштырганнан соң, тамашаның алып баручысы Максим Галкин белән бергә кош теле пешергәннәр. Кызчык тапшыру барышында татарча да сөйләшә, шулай ук Чулпан Йосыпова репертуарыннан «Ал чәчәк» җырын башкарып күрсәтә.

Максим Галкин Раминаның әтисеннән: «Мондый оста пешекче булган йортта ничек итеп матур-төз гәүдәле калып була?» — дип сораган. Ул исә гаиләсенең сәламәт тормыш рәвеше алып баруы, ә Раминаның 4 айдан салкын су белән коенуы турында әйткән. 

Чыганак: Интертат

Фото: https://www.instagram.com/ramina_blog/