Казанда 450 йортның домофоны БПЛА турында хәбәр итү системасына тоташтырылган

Казанда IP-домофоннар аша пилотсыз очучы аппаратлары куркыныч режимы турында мәгълүмат бирүнең яңа системасы эшли башлады, дип хәбәр итә Казан мэриясе порталы. Бүгенге көндә ул Казанның 450 күпфатирлы йортында 1933 домофонны әлеге системага тоташтырылган. 

Системаның төп максаты - шәһәрлеләргә тиз арада яшеренергә мөмкинлек бирү: пилотсыз очучы аппаратлар һөҗүме янаганда подъезд ишекләре һәм ишегаллары капкалары автомат рәвештә ачылачак, ә домофоннар куркыныч турында хәбәр итәчәк. 

«Халык, игътибар!» хәбәрен алганда Гражданнарны саклау идарәсе җитәкчесе БДДХ операторына кичекмәстән барлык ишекләрне ачу кирәклеге турында хәбәр итә. 5 секунд дәвамында оператор компьютерда нибары дүрт басуны гына башкара», – дип сөйләде шәһәрнең Гражданнарны саклау идарәсе башлыгы Сергей Чанкин. 

Гражданнарны саклау идарәсе өчен аппарат-программа комплексын «Таттелеком» ГАҖ компаниясе тәкъдим итте. 

Мондый функционал беренче тапкыр агымдагы елның февралендә Алабугада гамәлгә ашырылды.  

Бүгенге көндә Казандагы күпфатирлы йортларның 36% ы гына IP-домофоннар белән җиһазландырылган. Пилотсыз очучы аппаратлар куркынычы режимы турында мәгълүмат бирү системасын барлык күпфатирлы йортта яшәүчеләр тоташтыра ала. Моның өчен милекчеләрнең гомуми җыелышын үткәрергә һәм аларның ризалыгы белән провайдер компанияләргә мөрәҗәгать итәргә кирәк. 

Чыганак