“Кичке Таң“ заказнигы оешуга егерме биш ел тулды

Кичкетаң авылында “Кичке Таң“ заказнигы барлыкка килүнең 25 еллыгына багышланган бәйрәм узды. 

Анда заказникны оештыруда башлап йөргән авыл активисты Ромель Мәннапов, 20 ел заказник белән җитәкчелек иткән Әһли Фәйзуллин, башка ветераннар, хәзер табигать сагында торучылар катнаштылар. Алар мәктәптә “ЭКОС“ отряды әгъзалары башкара торган эшләр белән таныштылар, аларның чыгышларын тыңладылар. Аннан балалар бакчасында тәрбияләнүчеләр белән уздырылган экология темасына багышланган занятиене карадылар. Бакчада тәрбияләнүче малай-кызларны “ЭКОС“ отрядына кабул иттеләр.