Мәктәп формасына кагылышлы яңалык көтелә

2024 елда мәктәп укучылары өчен киемгә ГОСТ таләпләре барлыкка киләчәк. Яңа стандарт мәктәп формасының составын билгеләргә генә түгел, сыйфатын: дым һәм һава үткәрүчән булырга тиеш дигән таләпләр дә куячак.

Роскачество экспертлары 2024 елның икенче яртыеллыгында стандартның ахыргы редакциясен тәкъдим итәчәк. Шул рәвешле үз продукциясен маркировкаларга теләгән җитештерүчеләр яңа ГОСТ таләпләрен үтәргә тиеш була. Стандартның төп максаты – мәктәп формасын җитештергәндә түбән сыйфатлы материаллар куллануны булдырмау, дип аңлаталар Роскачествода.

Чыганак: Шәһри Казан