Макулатураны Кече Пургага илтеп тапшырырга мөмкин

Әгерҗедә күп кенә оешмалар һәм шәхси хуҗалар макулатураны күрше Кече Пургага тапшыралар икән.

- Күләме 100 килодан да ким булмаган очракта без макулатураны килосы ике сум исәбеннән үзебез килеп алып китәбез. Әгәр кеше үзе безгә алып килеп тапшыра икән, бер сумга кыйммәтрәк түлибез, - ди макулатура җыю белән шөгыльләнүче Пурга эшмәкәре.

Ә Кече Пургада аларның оешмасы торак-коммуналь хуҗалык бинасында (Северная урамы, 1нче йорт) урнашкан. Әмма барыр алдыннан 89511988880 телефоны буенча шалтыратып кисәтергә кирәк. Әлеге оешмага шулай ук иске пластмасс әйберләр, пластик шешәләр дә тапшырырга мөмкин.