Наҗарда терлек сую пункты ачылды + ФОТО

Яңа ел алдыннан Әгерҗе районы Наҗар авылында терлек сую пункты ачылды.

Ул әле районда беренче карлыгач. Пунктның хуҗасы - Әгерҗе эшмәкәре Рәшит Шәйхетдинов. Пунктны ачуда район башлыгы Валерий Макаров, район авыл хуҗалыгы идарәсе начальнигы Дилүс Гатауллин, Чаллы ветеринария инспекциясе начальнигы Рөстәм Гобәйдуллин, авыл җирлекләре башлыклары, фермерлар катнашты.

- Биредә бәяләр, башка терлек сую пунктлары белән чагыштырганда, күпкә арзанрак булачак, - дип ышандырды Рәшит Шәйхетдинов.

Киләчәктә мондый пунктларны Ямурзада эшмәкәр Сәхиповлар, Варкләд-Бодьяда "Нәүрүз" ширкәте ачарга планлаштыра.