“Өмет“ үзәге хезмәткәрләре бүләккә бәрәңге өләшкәннәр

“Агрофирма–Әгерҗе“ ширкәте халыкка мөрәҗәгать белән чыгып, бәрәңгене сортка аерырга ярдәм итүчеләр булган очракта аларның үзләренә дә, эш күләменнән чыгып, бәрәңге бирү мөмкинлеге барлыгы хакында хәбәр иткән иде.   

• Узган атнада “Өмет“ үзәгеннән унбер хезмәткәр Әгерҗедәге икмәк кабул итү пунктына бәрәңге чүпләргә бардык. Барлыгы 120 капчык бәрәңге тутырдык. 12 капчыгын эшләгән өчен бүләк итеп бирделәр, – ди җитәкчеләре Ольга Еремина.

Бүләккә биргән бәрәңгене үзәктә исәптә торучы аз тәэмин ителгән пенсионерларга күчтәнәч итеп өләшкәннәр хезмәткәрләр.

• Ий, ул өлкәннәрнең ничек сөенгәннәрен күрсәгез?! Урын өстендә ятучы Александр Агафоновның күзләре яшьләнде хәтта, – ди Ольга Николаевна.