“Пусть говорят“ка Малахов урынына Борисов килгән

"Беренче канал"да инде Андрей Малаховтан башка "Пусть говорят"ның бер программасы төшерелгән.

"Беренче канал" җитәкчелеге "Пусть говорят" программасы телевизион алып баручысы Андрей Малахов командасына эштән китү турындагы гаризаны имзалаган.

Әлеге тапшыруның Андрей Малаховтан башка яңа чыгарылышын беренче булып Ерак Көнчыгышта яшәүчеләр күргән. Тапшыруда Малахов урынында элек яңалыклар алып барган Дмитрий Борисов булган.

"Пусть говорят" тапшыруында катнашучылар элеккеге алып баручы хезмәтен искә алганнар. Рейтингы иң югары булган чыгарылышлардан өзекләр күрсәтелгән, тамашачыларның хәтерендә нык истә калган эфирның элеккеге геройлары килгән.

Тапшыру төгәлләнгәндә Борисов Малаховның тиздән әти булачагын җиткергән һәм туасы баласы белән котлаган.

Малаховның Беренче каналдан китүе турында бернинди шәрехләүләр яңгырамаган.