Россиядә машина йөртүчеләр өчен штраф күләмен арттырачаклар

Дәүләт Думасы икенче һәм өченче укылышта полиция хезмәткәре таләбе буенча автомобильне туктатудан баш тарткан өчен шоферларга максималь штрафны 10 мең сумга кадәр арттыру турындагы закон кабул итте.

Хәзерге вакытта канун буенча полиция хезмәткәренең транспорт чарасын туктату турындагы таләбен үтәмәгән өчен 500 сумнан 800 сумга кадәр штраф каралган. Яңа закон буенча 7 мең сумнан 10 мең сумга кадәр штраф билгеләнәчәк. 

Моннан тыш, әлеге маддәне кабат бозган өчен җаваплылык турында нигезләмә белән тулыландырылачак. Моның өчен машина йөртүчеләргә алты айга кадәр транспорт чаралары белән идарә итү хокукыннан мәхрүм итү һәм 10 мең сум күләмендә штраф яный.

Моннан тыш, кабул ителгән закон нигезендә, КоАПның 12.21.1 маддәсе яңа өлешләр белән тулыландырыла. Машина йөртүчегә транспорт чарасының үлчәү һәм габарит контролен узу турындагы таләпне үтәмәгән өчен административ җәза каралган. Машина авырлыгын тикшерү өчен инспектор таләбе буенча тукталудан баш тарткан өчен, автоматик контроль зонасында бозулар булган авыр машиналар (3,5 тоннадан артык) хәрәкәте өчен 600 мең сумга кадәр штраф салына. 

Чит ил ташучылары өчен шулай ук шундый ук хокук бозулар өчен 600 мең сум күләмендә штраф билгеләнгән, ләкин ул ташучыга түгел, ә йөртүчегә салына.

Чыганак