Шәһәр һәм авылларны Яңа елга бизәү буенча бәйге игълан ителде

Бәйрәм мохите булдыру, бәйрәм кәефе тудыру максаты белән район башкарма комитеты күрсәтмәсе нигезендә быел да шәһәр һәм авылларны Яңа елга бизәү буенча бәйге игълан ителде. Ул 26 декабрьгә кадәр дәвам итә. Бәйге берничә номинация буенча уза:

“Кышкы бизәкләр” (оешма-предприятиеләр һәм мәгариф учреждениеләре),

“Кар патшалыгы” (шәхси эшмәкәрләр),

“Яңа ел әкиятендә кунакта” (авыл җирлекләре),

“Яңа ел йорты” (шәхси хуҗалыклар),

“Яңа ел ишегалдысы” (күпкатлы йортлар). 

Әлеге бәйгегә бик күп райондашларыбыз кушылдылар инде. Рәхмәт аларга! 

Махсус комиссия йөреп чыкканнан соң урыннар билгеләнәчәк һәм җиңүчеләргә акчалата бүләкләр тапшырылачак.