Шаршадыда төбәк тарихчылары утырышы узды

Быел Әгерҗе районында төбәк тарихчылары оешмасы барлыкка килде. Аның җитәкчесе итеп Кичкетаңнан Ромель Мәннапов билгеләнде. Әлеге оешманың максаты – авыллар тарихын, алардан чыккан күренекле шәхесләрне барлау, онытылган исемнәрне яңарту. 

Утырышта катнашкан сәясәтче, язучы, җәмәгать эшлеклесе, тарих фәннәре кандидаты Фәүзия Бәйрәмова, “Мәскәү татарлары штабы“ оешмасы рәисе Рөстәм Ямалиев та авыллар тарихын язган каләм осталарына, утырышта катнашкан район үзәк китапханәчеләре, Иж-Бубый музее хезмәткәрләре алдына шул бурычларны куйдылар.