“Тантаналарны иң яхшы алып баручы” республика бәйгесенең зона этабы Әгерҗедә узды + ФОТО

Әгерҗе ЗАГС бүлеге республиканың Яр Чаллы, Түбән Кама, Актаныш, Тукай, Минзәлә, Алабуга һәм Әгерҗе шәһәр-районнарыннан берсеннән-берсе гүзәл кыз-ханымнарны "Тантаналарны иң яхшы алып баручы" республика бәйгесенең зона этабына җыйды.

ЗАГС оешуның 100 еллыгына багышланган бәйгедә унбиш алып баручы никахлашу тантанасын рус һәм татар телендә алып бару, юбилярларны хөрмәтләү һәм яңа туган балага исем бирү номинацияләрендә һөнәри осталыкларын сынадылар.

Түбән Кама ЗАГС бүлеге кызларының рус, татар телләрендә никахлашу һәм юбилярлар хөрмәтләү тантанасын уздыруда тиңнәр булмады.

Җиңүчеләрне Казан кунагы, Татарстан Республикасы Министрлар Кабинеты ЗАГС идарәсе начальнигы вазифасын вакытлыча башкаручы Ринат Әхмәтҗанов котлады һәм Диплом, истәлекле бүләкләр тапшырды.