ТР Президенты Әгерҗе районы авыл башлыкларына машиналар тапшырды

Бүген ТР Дәүләт Советы каршындагы мәйданда республика муниципаль берәмлекләр арасында ел саен уздырылып килә торган республика смотр-конкурсы лауреатларын бүләкләү тантанасы уздырылды.

Конкурста җиңгән муниципаль берәмлекләргә һәм учреждениеләргә автомобильләр һәм микроавтобуслар ачкычларын ТР Президенты Рөстәм Миңнеханов үзе тапшырды. Әгерҗе районыннан "Шевроле Нива" автомобильләре ачкычларын Тирсә авыл җирлеге башлыгы Рафил Закиров һәм Тәбәрле авыл җирлеге башлыгы Мирзалиф Харасов кабул итеп алдылар. Гомумән мондый машиналар 93 муниципаль берәмлек һәм 2 шәһәр округының 7 муниципаль учреждениесенә бирелде.