Варкләд-Бодьяда “Мудорвай“ төбәкара бәйгесе узды

Варкләд-Бодьяда традицион “Мудорвай“ (“Үсентеләр“) төбәкара бәйгесе узды.

Анда Әгерҗе, Әлнәш, Завьялово, Кече Пурга районнарыннан, Ижаудан балалар бакчаларында тәрбияләнүчеләр һәм башлангыч сыйныфларда укучылар катнаштылар. Алар удмурт телендә җыр башкару, шигырь сөйләү, миниатюра күрсәтү, удмурт биюе кебек номинацияләрдә осталыкларын күрсәттеләр.

Җиңүчеләр Әгерҗедә узачак зона этабында Менделеев районының яшь артистлары белән сыналачаклар.