Ватанны саклаучылар көне уңаеннан Исәнбай мәктәбендә “Дембель альбомы” күргәзмәсе эшләде

 Анда абыйларыбыз, әти-бабаларыбызның армиядә хезмәт иткән чордагы альбомнары тәкъдим ителде, дип хәбәр итә «Исәнбай мәктәбе». 

Дембель альбомы - армиядә хезмәт иткән һәр ир-атның тормышында аерым бер матур мизгел. 

Бу фотосурәтләр белән тулы альбом гына түгел. Анда аның хуҗасының  повестка тапшырудан алып кадерле “дембельгә” кадәрге хәрби хезмәтенең бөтен тарихы сурәтләнгән. 
Совет Армиясендәге дембель альбомнарының аерым үзенчәлеге - иҗади бизәлештә булуда.

Монда сез рәсемнәр һәм открыткалар, шигырьләр һәм җырлардан юллар, яраткан кызларның фотоларын һәм хезмәттәшләренең адресларын күрә аласыз. 

Ә карикатуралар ни тора! Аларны бер-берсеннән калька ярдәмендә күчереп ясаганнар.