Хөрмәтле хезмәт ветераны Нурулла Баһрамовка 80 яшь тулды

Ул – гомеренең ун елын безнең районга багышлаган шәхес. 1984 елда КПССның Әгерҗе райкомына беренче секретарь итеп җибәрелә. 1991-1994 елларда район хакимияте башлыгы вазифасын башкара. Сәләтле, зирәк фикерле, намуслы, югары һөнәри осталыкка ия җитәкче райондашлар арасында зур ихтирам казана. 

Нурулла Баһрам улы гомер көзен Чаллы шәһәрендә уздыра. Аны олуг юбилее белән район башлыгы Азат Вәлиев котлап бүләк тапшырды, изге теләкләрен юллады.