Яңа ел белән, дуслар

"Әгерҗе хәбәрләре" район газетасында эшләп лаеклы ялга чыккан хөрмәтле ветераннарыбызны, газетабызның эчтәлеген мавыктыргыч язмалары, шигырьләре белән баетучы хәбәрчеләребезне, күп еллар дәвамында безнең белән бергә булган газета укучыларыбызны якынлашып килүче Яңа 2018 ел белән чын күңелдән котлыйбыз.

Яңа ел яңа шатлыклар, көтелмәгән куанычлар, бәхетле мизгелләр алып килсен. Безнең белән бергә булганыгыз, хәбәрләшеп яшәгәнегез, иҗатта кайнаганыгыз, үтемле киңәшләрегез өчен бик зур рәхмәт. Киләчәктә дә бергә булыйк!

Без сезнең гаиләләрегезгә иминлек, муллык, тынычлык телибез. Сәламәт, һәрвакыт шундый актив булып калыгыз.

Барлык борчулар, күңелсезлекләр иске елда калсын. Алда безне бары бәхет көтсен.

Хөрмәт белән "Әгерҗе хәбәрләре" район газетасы хезмәткәрләре.