Яңа елда – сигез көн ял

Республика халкы январьда 8 көн рәттән ял итәчәк.

ТР Хезмәт, эш белән тәэмин итү һәм социаль яклау министрлыгы январьдага ял көннәре турында мәгълүмат җиткерә.

РФ Хезмәт кодексы нигезендә, 1, 2, 3, 4, 5, 6 һәм 8 январь - Яңа ел каникуллары, ә 7 январь - Раштуа бәйрәме эшләми торган бәйрәм көннәре булып санала.

2018 елда эшләми торган бәйрәм көннәре - 6 һәм 7 гыйнвар ял көннәренә - шимбә-якшәмбегә туры килә. Шулай итеп, 6 январь ялы - 9 мартка, 7 январьныкы - 2 майга күчерелә.

Шул рәвешле, биш көнлек эш атнасы буенча эшләүчеләр 1, 2, 3, 4, 5, 6, 7 һәм 8 январьда ял итәчәк.