“Зәңгәр кош” волонтерлар отряды “Исеңдә тот! Онытма!” акциясендә катнашты

Әгерҗе шәһәренең “Ровесник” яшүсмерләр клубының “Зәңгәр кош” волонтерлар отряды “Исеңдә тот! Онытма” Халыкара Холокост корбаннарын искә алу көненә багышланган акциядә катнашты, дип хәбәр итә “Ровесник” яшүсмерләр клубы.

27 январьда билгеләп үтелгән бу көн Икенче Бөтендөнья сугышының фаҗигале  вакыйгаларын һәм кешелеккә каршы нацист һөҗүмнәре нәтиҗәсендә һәлак булган миллионлаган кешеләрне хәтерләтә.

Акциянең максаты – Холокост корбаннарын искә алу гына түгел, ә халыклар арасында тынычлыкны, толерантлыкны һәм ихтирамны саклауның мөһимлеген искә төшерү.