ЮХИДИ Әгерҗедә яңа рейд игълан итте
Руль артында 4 исерек тоткарланган
Әгерҗе районы ЮХИДИ бүлеге яңа рейд игълан итте. Масштаблы тикшерү 2 октябрьдә урамнарда һәм юл-транспорт һәлакәтләре концентрациясе урыннарында узачак. Акциягә күпсанлы шәхси состав, полиция хезмәткәрләре җәлеп ителәчәк. Руль артына исерек килеш утырган машина йөртүчеләр, шулай ук "лишенниклар" ачыкланачак.
ЮХИДИда узган атнада гына да Әгерҗе районында руль артына исерек килеш утыруның 4 факты ачыкланган, дип искәрттеләр.
Элегрәк Дәүләт автоинспекциясендә һәлак булучылар һәм зыян күрүчеләр белән булган юл-транспорт һәлакәтләре саны җитди арту аркасында ведомствоның көчәйтелгән эш режимына күчүе турында хәбәр иттеләр. Сентябрьнең 25 көнендә республика юлларында 32 кеше һәлак булды. Эшнең көчәйтелгән режимы 7 октябрьгә кадәр сакланачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Районыбызга кагылышлы яңалыклар белән безнең Telegram-каналдан танышыгыз
Нет комментариев