Ата-анасының бурычын баланың банк картасыннан ала алалармы?

Европа Юридик хезмәте белгече Дмитрий Короленко баланың банк картасыннан ата-анасының бурычын алу-алмау мөмкинлеге турында аңлатты. Бу турыда «Челнинские известия» хәбәр итте.

Үсмер бала, 14 яше тулгач, үз исеменә банк картасы рәсмиләштерә ала. Ягъни паспорт алуга, ул банк картасы да ала ала. Бу картадагы акчаның баланың ата-анасының бурычларына бернинди катнашы юк.

Әгәр балага картаны ата-анасы ачса, аны үз хисабына бәйләсә, ул чакта бурыч өчен акчаны алу мөмкинлеге була.

Белгеч сүзләренчә, бала пособиеләре һәм түләүләре баланың картасына килсә, бу акчаны бурыч өчен ала алмыйлар. Мондый максатларда күпләр «Мир» картасы рәсмиләштерә.

Юрист ассызыклаганча, паспорты булса, үсмергә шәхси карта ачу хәерле. Ләкин 14 яшькә кадәр моны физик яктан эшләп булмый, ди ул.

Бу хакта тулырак