Мошенниклар кармагына эләгүдән сак булыгыз

Хөрмәтле райондашлар! Шундый күңелсез хәлләргә юлыгасыз килмәсә, түбәндәге киңәшләрне истә тотыгыз һәм таныш булмаган кешеләр белән элемтәгә кергәнче башта кат-кат уйлагыз.

• Әгәр сезнең телефонга билгесез абоненттан СМС-хәбәр килә яки таныш түгел номердан шалтыраталар икән, гозерләрен үтәргә ашыкмагыз.
• Таныш булмаган кешеләр белән финанс хәлегез, банк счетларыгыз турында сөйләшмәгез.
•  Ят кешеләрнең сүзенә колак салганчы, иң башта якыннарыгыз, күршеләрегез белән киңәшегез.

Әгәр мошенниклар тозагына эләгүегезне сизсәгез, шунда ук 02, 112 телефоннары буенча полиция бүлегенә шалтыратыгыз. Сак булыгыз!

Валентина ДОЛЖЕНКОВА,

РФ Эчке эшләр министрлыгының Әгерҗе районы буенча бүлеге юрисконсульты.