Пенсия күләмен шәхси кабинеттан карап була

Пенсия фонды 45 яшьтән өлкәнрәк ир­атларның һәм 40 яшьтән узган хатынкызларның дәүләт хезмәтләре порталындагы шәхси кабинетларына бүгенге көнгә формалаштырылган пенсия һәм пенсия тупланмалары күләме турында мәгълүмат җибәрә. Алга таба хәбәрнамә өч елга бер тапкыр киләчәк. Бу хакта Әгерҗе районындагы Пенсия фондының Клиент хезмәте бүлекчәсе хәбәр итә.

Әлеге мәгълүматны республикада якынча 19 мең кеше алган инде. Хәбәр хатын­кызларга – 40, ир­атларга 45 яшь тулган көндә җибәрелә.

Россия Пенсия фонды юллаган мәгълүмат хатында гражданнар картлык буенча хезмәт пенсиясенә хокук алу шартлары белән таныша, пенсиягә чыкканчы тагын күпме стаж тупларга кирәклеген, шулай ук пенсиянең фаразланган күләмен күрә ала.

Проактив мәгълүмат бирү гражданнарга үзләренең пенсия хокукларын алдан ук бәяләү һәм кирәк вакытта аларны арттыру буенча адымнар ясау, стаж чорларын һәм пенсия коэффициентлары күләмен ачыклау, шулай ук Пенсия фондында формалаша торган пенсия тупланмалары күләмен белү мөмкинлеге бирә.