Татарстанда хезмәт хакын 23 процентка күтәргәннәр

Иминият, маркетинг, реклама, сәнгать, күңел ачу, массмедиа өлкәләрендә эш бирүчеләр хезмәт хакын азрак дәрәҗәдә арттырган. Бу хакта Ватаным Татарстан яза.

Татарстанда эш бирүчеләр хезмәт хакын узган елның октябрь аендагы белән чагыштырганда 23 процентка күтәргән.

“Чимал чыгару” (40%), “Автомобиль бизнесы” (39%), “Төзелеш һәм күчемсез милек” (33%) өлкәләрендә эшләүчеләрнең хезмәт хакы бигрәк тә күпкә арткан.

“Стратегия, инвестицияләр, консалтинг” (узган елның октябрендәгегә караганда 37 процентка күбрәк), “Чимал чыгару” һәм “Авыл хуҗалыгы” (33 процентка), “Ваклап сату” (31%), “Төзелеш, күчемсез милек”, “Сервис хезмәте күрсәтү” (29%) өлкәләрендә дә хезмәт хакы нык үскән.

Ә менә “Иминият” (2022 елның октябрь аендагыга караганда 16 процентка кимрәк), “Маркетинг, реклама” (1%), “Сәнгать, күңел ачулар, массмедиа” (6%), “Юристлар” (7%), “Мәгълүмати технологияләр” (8%) өлкәләрендә эшләүчеләрнең кереме азрак арткан.

Шул ук вакытта “Иминлек” (узган елның октябрендәгегә караганда 8%ка күбрәк), “Маркетинг, реклама” (10%) өлкәләре белгечләренең айлык хезмәт хакы кемнекенә караганда да кимрәк күтәрелгән.