Иртәгә, 29 июльдә, республикада көндезге сәгатьләрдә термометрның терекөмеш баганасы урыны белән +37 градуска кадәр күтәреләчәк
Татарстанга аномаль эссе көннәр якынлашу сәбәпле республикада кисәтү игълан ителде. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.
Иртәгә, 29 июльдә, республикада көндезге сәгатьләрдә термометрның терекөмеш баганасы урыны белән +37 градуска кадәр күтәреләчәк, дип искәртә синоптиклар.
Шул ук вакытта, метеорологларның мәгълүматлары буенча, төнлә һәм көндез Татарстанның кайбер районнарында, Казанны да кертеп, яшенле яңгырлар көтелә. Җилнең тизлеге урыны белән секундына - 15-20, көчәйгәндә 24 метрга кадәр җитәргә мөмкин.
Элегрәк «Татар-информ» агентлыгы республикада август аеның тотрыксыз һава торышы белән башланачагы хакында хәбәр иткән иде.
Районыбызга кагылышлы яңалыклар белән безнең Telegram-каналдан танышыгыз
Нет комментариев