Әгерҗе хәбәрләре

Әгерҗе районы

18+
Рус Тат
2024 - год Семьи
Көн темасы

Татарстанда бер тәүлектә 79 йорт яны участогын судан арындырдылар

Республикада су 52 см дан 190 см га кадәр күтәрелде

 Татарстанда бер тәүлек эчендә дүрт торак пунктта 79 йорт яны участогын судан арындырдылар.

«Татар-информ» мәгълүмат агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр итүләренчә, узган тәүлектә республикада су 52 см дан 190 см га кадәр күтәрелде. Казанда Киндерле, Югары Ослан районында Сулица һәм республиканың Кайбыч районында Бәрле елгаларында катлаулы вәзгыять саклана. 

40 йорт яны территориясе, биш түбән күпер һәм бер грунт юлы су баскан килеш кала. Столбище авылында 20, Куралово авылында 9, Тынычлык бистәсендә 6 территория, Тимофеевка торак пунктында өчәү һәм Аки бистәсендә һәм Зур Күккүз авылында берәр участок су астында кала.

Сулица елгасында бозны шартлату нәтиҗәсендә су биеклеге 40 см га кимегән. Җимерелгән бозның гомуми мәйданы 360 кв. м тәшкил иткән.

Бер тәүлек эчендә 79 йорт яны территориясен судан арындырганнар — өчесе Федоровский авылында, Столбище бистәсендә 70, Аки бистәсендә биш, шулай ук Шигаево авылында бер кишәрлекне судан азат итә алганнар.

10 апрельгә Азнакай районының Тымытык торак пунктында бер түбән күперне су басу мөмкинлеге фаразлана. 

Чыганак

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев