Әгерҗе хәбәрләре
  • Рус Тат
  • Район башлыгы Азат Вәлиев пандемия вакытында ике дустын һәм якын туганын югалткан

    "Әлеге чирнең шундый якын кешеләрне алып китүе бик авыр, әлбәттә.."

    Һәр атна саен гына түгел, һәр көнне кайсы да булса танышыбызның коронавирус белән каты чирләве йә вафаты турында ишетеп тетрәнәбез. Әлеге авыру өлкәннәрне дә, хезмәт яшендәгеләрне дә аямый. Шул ук вакытта прививка ясатудан баш тартучылар һаман да бар әле. Җитди адымны ясауда аларга ничек ярдәм итәргә соң?

    Без барыбыз да җәмгыятьтә яшибез, бер-беребез белән аралашабыз, эшкә, кибеткә йөрибез, җәмәгать урыннарында булабыз. Ә вирус сорап һәм сайлап тормый. Без уйлаганча, ул әллә кайда да түгел. Ул – безнең янәшәдә генә.

    Мисаллар эзләп тә әллә кайларга йөрисе юк. Район башлыгы Азат Вәлиев та пандемия вакытында ике дустын һәм якын туганын югалткан.

    – Әлеге чирнең шундый якын кешеләрне алып китүе бик авыр, әлбәттә. Мин соңгы көннәренә кадәр алар белән аралаштым. Без аларны алып калу өчен кулдан килгәннең барысын да эшләдек. Әмма булыша алмадык. Көчләре ташып торган ике ир-егет ике атна эчендә юк булдылар, – дип сөйли Азат Рөстәм улы.

    Һәрбер җыелышта, халык җыеннарында ул райондашларыбызны куркыныч вирустан саклану өчен прививка ясатырга өнди.

     

    Районыбызга кагылышлы яңалыклар белән безнең  Telegram-каналдан танышыгыз

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: