Әгерҗе хәбәрләре

Әгерҗе районы

18+
Рус Тат
2024 - год Семьи
Яшәеш

Әгерҗедән 99 яшьлек Мария түти дә үз тавышын бирде

Әгерҗедән 99 яшьлек Мария Гончарова - РФ Дәүләт Думасы депутатларын сайлауда катнашкан иң өлкән шәһәрдәшебез. Мария түтигә февраль аенда 100 яшь тула. Тумышы белән Барҗы-Пельгадан ул, гомере буе колхозда эшләгән, эшендә һәрчак алдынгы булган. - 80 елларда, әни лаеклы ялга чыккач, Әгерҗегә күченеп килдек, - ди кызы Александра. Сугышта катнашучының...

Әгерҗедән 99 яшьлек Мария Гончарова - РФ Дәүләт Думасы депутатларын сайлауда катнашкан иң өлкән шәһәрдәшебез.

Мария түтигә февраль аенда 100 яшь тула. Тумышы белән Барҗы-Пельгадан ул, гомере буе колхозда эшләгән, эшендә һәрчак алдынгы булган.

- 80 елларда, әни лаеклы ялга чыккач, Әгерҗегә күченеп килдек, - ди кызы Александра.

Сугышта катнашучының тол хатыны буларак, Октябрьская урамыннан фатир да биргәннәр Мария түтигә. Тик бу яшьтә ул анда ялгызы гына яши алмый.

- Әтиебез Николайның соңгы бүләге итеп бирелгән фатирга бик сөенде әни. Хөкүмәтебезгә, җитәкчеләргә рәхмәт укыды, - ди кызы Александра.

Шушы яшендә дә илдәге хәлләр белән кызыксынып тора Мария Яковлевна. Сайлаулар көнне дә өйгә сайлатырга килүләрен иртәннән үк көткән өлкән шәһәрдәшебез.

- Мин бүген иң лаеклыларга тавыш бирдем. Илебездә тынычлык, тотрыклылык булуын телим, - диде ул гражданлык бурычын үти алганына зур канәгатьлек белән.

Следите за самым важным и интересным в Telegram-каналеТатмедиа

Районыбызга кагылышлы яңалыклар белән безнең  Telegram-каналдан танышыгыз


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев